يارب

ده بوست من عند اختنا فكرة محتاجة دعواتكم معاها

شخص عزيز وطيب في حاجة لدعواتنا

كل من يعرف فكرة

او لا يعرفها يدعو كثيراااااااا له بالرجوع والشفاء
والخروج من الازمة

فكرة من الزمن ده

حازم ونوارة

3\11 عيد زواج نوارة

13\11 عيد ميلاد حازم زوج نوارة

3\1 عيد ميلاد نوارة

ماشاء الله واللهم لا حسد التسلسل اللى فى الارقام والتوافق

شىء يفرح بجد يارب دايما يارب بينهم كمان يارب

النهاردة عايزين نحتفل بكل ده مرة واحدة عايزين نقول

لـ حازم و نوارة

كل ثانية وكل دقيقة وكل ساعة وكل يوم وكل اسبوع

وكل شهر وكل سنة وانتم طيبين اوى وبخير يارب

وبرغم ان الاحتفال معنوى لكن فى جوانا فرحة كبيرة

اننا فعلا بنحس اننا اسرة واحدة وايد واحدة

طبعا ده عيد ميلاد وممنوع الرغى الكتير

يلا نبدا الحفلة وكمان ممنوع ضرب النار عشان البلوجر مش يزعل مننا

وطبعا مش معقول هنجيب التورتة من برة واحنا معانا نوارة فن الجمال

اول تورتة هدية من ميمى لنوارة

والشمع ده منى انا

وطبعا اللى هيقول مين اللى فوق دول له هدية قيمة

بمبة فى دماغه تنسيه الدنيا كلها

المصاصة دى لاخواتنا الصغنينين الحلوين

المانتخين وكمان فى بون بونى

وكان نفسنا نجيب حاجة ساقعة بس للاسف الجو برد والميزانية خلصت

كل سنة وانتى طيبة يا نوارة وربنا يبارك لك فى زوجك حازم يارب

ميمى واحمد

استفزاز

يُروى أن أبا جهل كان يسير في مكة يحذر الناس من الاستماع إلى النبي محمد – صلى الله عليه وسلم - فكان الناس يتساءلون عن محمد، ويذهبون إليه ليعرفوا لماذا الحذر من حديثه. حتى إذا كانوا بين يديه أسلموا، فكان الإسلام ينتشر على أيدي أعدائه.

ومن القصص الطريفة أن هناك مفكراً إسلامياً كتب يوماً كتاباً قيماً ، فلم يحقق الكتاب نجاحاً، فكتب الكاتب تحت اسم مستعار مقالاً في جريدة يهاجم فيها كتابه ويتهمه أنه يعتدي على الإسلام ويسيء إليه. فما هي إلا أيام قليلة وأحتل كتابه مكاناً متقدماً في قائمة أعلى الكتب مبيعاً. ولما اشترى الناس الكتاب اكتشفوا قيمته العالية.

اليوم يحدث نفس الأمر، ولكن بطريقة عكسية. فهناك من يخرج فجأة علينا ليحذر من الفيديو أو المجموعة الموجودة على الانترنت. ويطالبنا بحملة ضخمة لنشر رابط هذا الموقع وإرسال اعتراض عليه لتقوم إدارة الموقع، سواء كانت الفيسبوك أو اليوتيوب، بحذفه. وهكذا بعد أن كان هذا الفيديو أو هذه المجموعة لا يعرفه سوى عشرة، يصبح في خلال إسبوع واحد عدد زواره عشرات الآلاف. فلا يكون هناك فرق بين ما كان يفعله أبو جهل وما نفعله نحن إلا أن النبي محمد عليه الصلاة والسلام كان يدعو إلى الحق.

دعونا في البداية نضع أنفسنا مكان صاحب هذا الفيديو أو المجموعة المسيئة. ما هدفه؟ لو أخذنا على سبيل المثال صاحبة مجموعة "استخدام القرآن بدلاً من المناديل الورقية" والتي لأجلها قامت حملة مقاطعة الفيسبوك الأخيرة. ما هدف فتاة مثلها؟. هي تريد الاستفزاز والتسلية تريد فقط استفزاز المسلمين. وكلما زاد عدد المسلمين المستفزين كلما زادت ضحكتها قهقهة. إذن هي ترغب في الإنتشار. في أن يصل من يقرأ كلامها إلى آلاف مؤلفة. لا يهم بعد هذا أن يتم حذف المجموعة أم لا، فالمجموعة قامت لهدف محدد وهو الاستفزاز. وإن طالت مدة الاستفزاز مسخ طعمه. ولو قام الفيسبوك بحذف المجموعة فإنها قادرة على إنشاء غيرها بعد نصف ساعة من الحذف، وتعود ريما لعادتها القديمة

أحد الأذكياء قام يوماً على أحد المواقع الالكترونية بتنبيه المسلمين لأمر هام. وهو أنه شاهد بعض الملحدين وهم يعدون أمراً شبيهاً بهذا ليسخروا من المسلمين. كان الموضوع يُعد في أحد المنتديات التابعة لهم. وكانت فكرتهم بكل بساطة هو تلفيق قصة تحكي أن هناك نباتاً اكتشفوه في ألمانيا يصدر ذبذبات وأن هذه الذبذبات بعد دراستها اكتشفوا أنها تسبيح بحمد الله. الطريف أنهم وضعوا هذه القصة في عدة منتديات إسلامية. وفي لمح البصر انتشرت القصة كالنار في الهشيم في كل المنتديات الإسلامية، وصدقها الآلاف. وسخر الملحدون من جهل المسلمين وضحكوا حتى ملء أشداقهم.

• 
  
  فما الحل إذن؟

تخيلوا معي المشهد التالي. شخص أراد أن يستفز المسلمين بإنشاء مجموعة مسيئة للإسلام. قام بإنشائها ثم وضع رابطها في عدة مجموعات إسلامية وقال: انقذوا الإسلام. تخيلوا لو تجاهل هذا الرابط كل المسلمين. لو لم يدخله أحد، ولو دخله أحد فإنه لا ينشره ولا يحذر منه. هل تعلمون النتيجة؟. ستمر أسابيع وشهور وعدد من شاهدوا هذه المجموعة لا يتجاوز أصابع اليدين. وعدد من شارك فيها بتعليق لا يتجاوز أصابع اليد الواحدة. ما هو شعور صاحب الجروب إذن؟. سيكون الاستفزاز والغيظ من نصيبه. سيلحق به الفشل.

قبل كتابة هذا المقال شاركت في الحوار في العديد من المجموعات المسيئة للإسلام على الفيسبوك. وتحاورت معهم بكل الطرق. جربت أن أخلق حواراً هادئاً، وجربت أن أسخر منهم، وجربت أن أسبهم كما يفعلون سبة بسبة. كل هذا كان لاختبار ردود أفعالهم. فلم أجد وسيلة أنجح من التجاهل التام. التجاهل هو الأكثر إثارة للجنون لأنه يلغي الهدف الأساسي من إنشاء هذه المجموعة المسيئة.

يذكرني هذا الأمر بأنصاف الموهوبين من الأدباء. هؤلاء لا يتحدثون إلا في الجنس والدين. يتحدثون بقبح حتى يلفتوا الأنظار. وتقوم الدنيا ولا تقعد ويثور الجدل حول ما كتبوا. مع أن ما كتبوه لا يستحق – فنياً – أن نعيره أي اهتمام.

كل حملات المقاطعة والدعوة إلى إغلاق المجموعات وحذف الفيديوهات المسيئة – في رأيي المتواضع – لا معنى لها. لأنها كما قلت من قبل، لا تحقق إلا أهداف المسيئين للدين والذين لا يرغبون إلا في أن تشتهر وتنتشر إساءتهم. ثم إنه لا معنى لكل هذا الجهد الضائع. العمل الجاد والقيم لنفع المسلمين هو افضل ألف مرة. النبي أمره الله أن يعرض عن المشركين وقال له "إنا كفيناك المستهزئين". ونهى النبي الكريم عن الجدال الذي لا طائل من ورائه لما قال " أنا زعيم ببيت في ربض الجنة لمن ترك المراء ولو كان محقاً:. فما بالكم بالجدال مع من يقول أن القرآن لابد أن يستعمل كمناديل ورقية. هل هذا الكلام يستحق أن ينظر إليه أصلاً أو أن يعيره أحد أي اهتمام. فما بالكم بحملة كاملة للمقاطعة يشارك فيها ملايين المسلمين من أجل منع نشر هذا الكلام الفارغ.

لا أجد أفضل من أبيات نزار قباني للتعبير عن هذا الأمر. فقد قال واصفاً :

نتمطى فوق وسائدنا .. نلهو بالصرف وبالإعراب
نركب أحصنة من خشب .. ونقاتل أشباحاً وسراب
وننادي يارب الأرباب .. نحن الضعفاء .. وأنت المنتصر الغلاب

المقال كتبه : عماد الدين السيد ـ التبكيت

اتبرع وانت فى بيتك

فكرة حــــــملة" مـــــدونتك هتـــنقذ طفـــــلك " -

اولا اسم الحملة نابع من ان الاطفال الى ان شاء الله هنساعدهم (اطفال مستفى 57357 )

زى اطفالنا فواجب علينا نعمل كدة او هنقدم حاجة بسيطة لمساعدتهم

وان شاء الله تكون ليها اثر كبير بأذن الله وخير علينا كلنا بأذن الله

ومش تفتكروا ان مساعدتكوا دى بسيطة لا بالعكس ومش كلامى

دة كلام رسولنا العظيم ومعلم البشرية جمعاء :-

قال أتى النبي صلى الله عليه وسلم رجل يستحمله فلم يجد عنده ما يتحمله فدله على آخر

فحمله فأتى النبي صلى الله عليه وسلم فأخبره فقال إن الدال على الخير كفاعله

وفي الباب عن أبي مسعود البدري وبريدة قال أبو عيسى هذا حديث غريب من هذا الوجه

من حديث أنس عن النبي صلى الله عليه وسلم ...قوله : ( يستحمله ) أي يطلب منه المركب ( فحمله )

أي أعطاه المركب ( فقال ) أي رسول الله -صلى الله عليه وسلم- ( إن الدال على الخير كفاعله )

لإعانته عليه ، فإن حصل ذلك الخير فله مثل ثوابه ، وإلا فله ثواب دلالته قاله المناوي

* * *.- هنســـــــــــاعدهم ازاى :----

ان شاء الله الفكرة ببساطة اننا عاوزين كل المدونات الى هتشترك معانا فى الحملة دى

هتحط شعار المستشفى واللينك الخاص بالمستشفى على المدونة الخاصة بكل واحد هيشترك بأذن الله معانا

وكمان فوق الشعار هتكون كلمة( اتبرع وانت فى بيتك ولو بجنية او دولار من هنا )

والناس الى مبتدئين فى المدونات هشرح لهم بطريقة مختصرة

ازاى هيحطوا الصورة واللينك وهى( انكوا تفتحوا صفحة التخطيط فى مدونتكم

وبعدين اضافة اداة وبعدين نختار من اضافة اداة اختيار اضافة صورة

وبعد كدة لما تفتح نحط فى خانة اسم النموذج الكلام الى اتفقنا علية

وهو" اتبرع وانت فى بيتك"

وفى خانة وصل هنحط اللينك بتاع موقع مستشفى 57357 والى هو

http://www.57357.com/Default.aspx?PageContentID=8&tabid=155

وبعد كدة هنضيف الصورة بتاعة المستشفى وهى موجودة اعلى الموضوع بتاعى فوق وبس وجزاكم الله خيرا )

علشان فية ناس كتيرة متعرفش عن طرق التيرع الى هى كتيرة ومش معروفة

وممكن تحقق عائد كبير جداا جداا ومش متركز عليها فى اعلانات التلفزيون والراديو ووسائل الاعلام

وهدفنا فى الحملة دى اننا نوضح طرق التبرع المتعددة

اللى بدورها هتجيب عائد اكبر واكتر لو كل واحد استخدم ولو طريقة واحدة وهو فى بيتة

وهقولوكوا نبذة عن طرق التبرع دلوقت :- .... - البنوك :-

(ودى متركز عليها كتير فى وسائل الاعلام ومش هنخوض فيها ) .* *

2- انترنت الخير (هنركز اكتر عليها ):-

يمكنك التبرع من خلال أستخدام ارقام انترنت الخير

: 07775757 أو 07075757

بنفس سعر المكالمة العادية كما انه يمكنك حساب صافي قيمة ما تبرعت به بأستخدام عداد الخير ...

* * - التليفون (هنركز اكتر عليها ):- يمكنك الاتصال برقم 1468 أو 2357 من اي تليفون محمول

او برقم 09009555 أو 09000957 و التبرع لصالح المستشفى اثناء استماعك للرسالة الصوتية

. سعر الدقيقة جنيهان* *

4- بطاقة الائتمان (هنركز اكتر عليها ):- خدمة جديدة تقوم بها مستشفى 57357

لتسهيل التبرع بالتعاون مع بنك مصر و شركه Verisign العالمية لتأمين المواقع على الانترنت.

يمكنك التبرع بأي عملة صدرت بها بطاقتك الائتمانية في أي بلد في العالم بما يعادلها من الدولار

و ستقوم مؤسسه فيزا و ماستر كارد بتحويلها إلى دولار .فقط اضغط على اختيار دولار

,فنحن بحاجة إلى العمله الصعبة لتمويل عملية استيراد الأجهزة و المعدات الطبية .* *

5 - البريد المصرى (هنركز اكتر عليها ):-

يمكن التبرع فى اى فرع من فروع مكاتب البريد المصرى لحساب رقم 26386*

*حملتنا على ال facebook ( ودى اهداء من مدونة قطرات ندى . جزاها الله خيرا )

:-- احب قبل وماكتب لينك الجروب علشان ان شاء الله تشتركوا معانا فية

احب اشكر المدونة وربنا يجزيها خير ودة مثال حى للعمل الجماعى

و ياريت كمان ياجماعة الى يحب يشارك بعمل شعار للحملة وعندة معرفة بالفوتوشوب

ويصمم شعار خاص للحملة يبقى جزاة الله خيرا وربنا يجعل عملة فى ميزان حسناتة ان شاء الله

.واليكم لينك الجروب على الفيس بوك :

-1 - http://www.facebook.com/group.php?gid=139959994897&ref=search&sid=100000133813777.2100342868..1

* *وبعد ياجماعة ماستعرضنا كل حاجة عن الحملة عاوزين بقى ان شاء الله

نبدأ بقى بأذن الله وتكون على خطوتين ان شاء الله :-

1- ان كل صاحب مدونة او اى حد يقدر يساعد او اى حد يعرف صاحب مدونة

يقولة على الموضوع والى معندوش مدونة ومشترك فى موقع يقدر يحط الموضوع

ويبقى عمل خير ربنا يجزية علية بأذنة تعالى وبعد كدة نرجع للمدونين

نحط زى ماتفقنا الصورة الى موجودة بالاعلى واللينك زى ماشرحنا عن سابق

... وتخيلوا ان شاء الله لو كل مدونة زارها فى اليوم 100 شخص او 200

شخص وضغط على اللينك وعرف طرق التبرع واتبرع تخيلوا الخير الى هيعم شكلة اية

يأذن الله تعالى وان شاء الله ربنا هيوفقنا علشان نيتنا خير ان شاء الله وصدقة جارية

كمان فى مدونتكوا ان شاء الله.. بقول رسول الله صلى الله عليه و سلم :

« إذا ماتَ ابْنُ آدَم انْقَطَع عَملُهُ إلاَّ مِنْ ثَلاثٍ : صَدقَةٍ جارية

، أوْ عِلمٍ يُنْتَفَعُ بِهِ ، أوْ وَلدٍ صالحٍ يدْعُو لَهُ » - رواهُ مسلمٌ .* *

2 - نحدد يوم نحط الموضوع دة كلة بكامل تفاصيلة على المدونات الى هتشترك معانا

فى الحملة ويكون يوم موحد ان شاء الله لكل المدونات

وهنعرف اليوم دة من خلال تعليقاتكوا على الموضوع علشان يقرا اكبر عدد

وتعم الفايدة والخير علينا كلنا بأذن الله وربنا يكرمكوا يارب

ويوفقكوا ويثبتكوا على العمل الصالح وعلى شكرة وحسن وعبادته اللهم امين

لينك الموضوع الاصلى مدونة طهر فؤادك جزاه الله كل خير

نسالكم الدعاء والسؤال

اخت و زميلة في عالم التدوين في ازمة

نسالكم لها الدعاء والسؤال عليها

هي الاخت ايما صاحبة مدونة غرام

ونحن على ثقة في ان كلنا بتجمعنا قلوب جميلة اوي

ومش بنتأخر اننا نقف الي جانب بعض ولو معنويا

من هنا

ميمى واحمد

مواليد سبتمبر .. الليلة الكبيرة

كل سنة وأنتم مسبتمبرين وكويسين ...

النهاردة قرب يخلص شهر سبتمبر ...

يعني مواليد سبتمبر أحتفلوا أو هيحتفلوا بعيد ميلادهم

اللي يوم ميلاده يوم 1/9 يتفضلوا :

1- شيمو ( الشعب لابد له من حكومة تشكمه)

2- همسة إيمان

كل سنة وأنتم مسبتمبرين كده وطيبين ... أمين















واللي يوم ميلاده يوم 2/9 يتفضل

عفروتو

أبن ستيته حسب الله الحمش ( مش عارفة بس نفسي أعرف)










واللي يوم ميلاده يوم 5/9 يتفضل

ميزووووو مازن

ابن ماما مازن









واللي يوم ميلاده 8/9 يتفضل :

حمبوزو لاوي بوزو حسب الله الحمش...

أخو ستيته حسب الله الحمش








واللي يوم ميلاده يوم 9/9 يتفضل :

رنــــــــا اااااا

رنون





واللي يوم ميلاده يوم 11/9 يتفضلوا :


وخد عندك يا باشا :

1- بسمة أنور

2- أنس أبن حمبوزو لاوي بوزو حسب الله الحمش

( واللي هوا صورة البروفايل بتاعة عمتو ستيته حسب الله الحمش)

3- جارة القمر( ومش علياء علي فكرة )

واللي يوم ميلاده 13/9 يتفضل :





أحمد عاطف ... صاحب مدونة كله كلام
(جبتلنا إيه من السفر معاك يا بو حميييييييييد)








واللي يوم ميلاده 15/9 يتقدم

ضي القمر





واللي يوم مولده كان 17/9 ييجي هنااااااااا

دعاء
كل سنة وانتي طيبة يا دودو





واللي كان أحتفاله يوم 21/9 يظهر ويبان ..





أقصوصة




ولسة أيام الشهر مش خلصت ... عننا مواليد 23/9





بشمهندس أحمد ( هندسة وصفية)





واللي أتولدوا يوم 24/9 ..


حنين القلب








وكمان اللي نوروا الدنيا في يوم 25/9 خدوا عندكم .....

1- أحمد ( أسماء وأحلام في وجداني)

2- سارة

3- أحمد أبن الغالية ( أم مالك)

ودول مواليد برج الميزان ...

يعني الطعم الأصلي للشقاوة الطحينية

واللي يوم ميلاده لسه هيحتفل بيه .. يوم 27/9

1- محمد ( هاي فولتا)

2- القطة نور بنت دعاء

أما بقي يوم 28/9

ودي للأسف ذكري وفاة جمال عبد الناصر

عاااااااااااااااااااااااااااااااااااااااااا

مين يا تري؟

مين يا تري؟

مواليد 28/9 يتقدموااااااااااااااااااا

مفيش غير ميمي ميمايا وأخوها التوأم التوينز أحمد

وسلملي علي برنامج حدث في مثل هذا اليوم

واللي من مواليد 29/9 ...

اللي مزينين الشهر وعاملين ليه أعتبار

كياااارا ( عالم مولان) كل سنة وأنتي طيبة

خلاصصصصصصصصصص

ختامه مسك

واللي يوم ميلاده هيبقي 30/9 إن شاء الله

أم مالك ... كل يوم ولحظة وأنتي طيبة

واللي حبوا نحتفل بيهم معانا :

- فشكول ( يوم ميلاده في يناير إن شاء الله )

- ماء تشرين (و لسة عيد ميلادها في مارس)

- عادل ( البلد دي فيها حكومة ) يوم 7 مارس

- ليس فقيرا من يحب ( في شهر أبريل ان شاء الله)

- ميمي ليبيا 27/10 ..

كل فمتو ثانية وإحنا كلنا يخير

ربنا يحقق للجميع أمنياته

ويجعل أيامنا في ميزان حسناتنا

ياااااااااااارب

يارب الحفلة تعجبكم ......

والهدايا علي المعازيم

وهنستني اللينكات

وده اهداء من
احمد (اسماء واحلام فى وجدانى )
الى ميمى

كل سنة وانتى طيبة
يا حتة سكر فى قلوبنا مِدَوبة
جاين نقولك كلنا
يارب دايما لقلوبنا قـُـريبة
ستيتة روح قلب دودو
فشكول بجلالته وجنوده
وردة وفراشة ايوشة ويويو
عادل من كسوفه احمرت خدوده
فكرة وسول وايناس وثندر
علياء ورانيا ولسة اكتر
ياسمين وسارة وسارة ونوارة
تعبت يا ميمى
قلبك ده فين اخر حدوده
احمد رومانسى كيمو بدراوى
جاين يهنوا ده غير اللى ناوى
فاتيما روح قلب ماما ويوسف النونو
ربنا يحرسه يا رب ويصونه

وده عادل يا جماعة





يوم ميلاد سعيد

أيام ميلاد سبتمبر

اللي يوم ميلاده في شهر سبتمبر يقول :

أناااااااااااااااااا

ويكتب يوم كام في شهر سبتمبر

هنا حفلة كبيرة جدااااااااااااااا

لقاء الجبابرة

بسم الله الرحمن الرحيم

وبه نستعين

وعليه تؤكلنا

وهورب العرش العظيم

اللقاء الاول اللى هتنظمه حروووووووووف

تفاصيله كاملة بالتحديد باليوم والميعاد واسبابه وكل شىء يخصه موجود دلوقتى عندها

ونتمنا ان نكون يوم سعيد وطيب باذن اله تعالى

من هنا

*

*

*

اما بالنسبة للقاء التانى اللى هتنظمه

دودو عاشقة الرومانسية

فبردة كل تفاصيله موجود عندها دلوقتى

ونتمنا انه يتم على خير

ويكون يوم طيب وسعيد لكل اخواتنا

من هنا

*

*

*

وقبل ما نختم البوست عايزين نقولكم حاجة

المدونة هنا هدفها التواصل بين المدونين فى فرحهم ولا قدر الله وحزنهم

اما بخصوص اللقائين فاكيد اكيد فى ناس هيناسبها ميعاد وناس لاء

وفى الاول وفى الاخر احنا اخوات

وكل اللى يناسبه ميعاد يروحه

وكمان لاننا مش هنقدر هنوفق اللقائين فى يوم واحد

علشان كل واحد وله ظروفه

ميمى واحمد

اللقاء السكندرى

فى البداية كل سنة وانتم طيبين ويارب دايما
زى ما اتعودنا اننا نتجمع كل فترة باذن الله هيكون فى لقاء بالاسكندرية

هنتجمع فيه وعلى فكرة فى ناس هتيجى من خارج الاسكندرية باذن الله

وفى ناس كمان من خارج مصر

يعنى باذن الله هيكون لقاء وتعارف جيد وان شاء الله هيكون اللقاء ده فى

اول جمعة بعد العيد

وللتفاصيل اكتر عند حروووووووووف
بعد منسمع اقتراحاتكم حينزل بوست بتحديد المكان والزمان
احنا حددنا الميعاد كده لان المدراس خلاص على الابواب واهى فرصة قبل الزحمة اللى بجد

احنا حددنا الميعاد ومنتظرين ارائكم فى تحديد المكان

مع العلم اننا بردة محددينه بس يمكن فى حد بينا يقترح مكان اجمل
احنا كنا بنفكر في كوستا اللي في سان استيفانوا وبنفكر نحجز قبلها

فعلشان كدة عايزن نعرف االاقتراحات عشان نظبط
وياريت نشفكم علي خير ان شاء الله

وياريت كل اللى يجى هنا يعرف اللى مش بيجى لاننا عارفين

طبعا ان الوقت دلوقتى ضيق جد على كل الناس

وتقريبا الناس كلها بتختفى ورا بعض

ان شاء الله البوست القادم

هتكون فيه التفاصيل النهائية للقاء

*

*

ميمى واحمد

يا انا يا انتى يا دنيا

يا انا يا انتى يا دنيا

ده اسم بوست جديد

للاستاذ عمرو وطارح فيه فكرة جميلة كلها خير للى بيحب الخير

او عايز يساعد فى عمل الخير طبعا احنا مهما اتكلمنا هنا

مش هنقدر نوصل الفكرة زى ما عمرو طارحها فى مدونته

وزى ما اتعودنا هنا اننا نكون همزة الوصل بين كل المدونين

حبينا نشارك الكل فى الفكرة ونتواصل مع بعض اكتر

و عنوان مدونة عمرو بالموضوع مفصل

من هنا

بنتمنالكم يارب كل الخير

ميمى واحمد

مطلوب فاعل خير

مطلوب متبرع بالدم فصيلة AB +

التفاصيل كاملة عند بدراوي

وجزاكم الله كل الخير

جارة القمر

علياء

*

*

الاخت والصديقة جارة القمر

ستقوم والدتها يوم الاحد القادم باذن الله

الموافق 23 اغسطس

باجراء عملية يمكن تكون صعبة علينا لكن ربنا بايده الشفا

زى ما اتعودنا هنا اننا نكون ايد واحدة

علياء

محتاجة دعوات اخوتها

وانتم صائمين وقبل ما تفطروا دعوة الصائم لا ترد

يارب تعدى ايامها على خير يا رب

ويشفى والدتها اللهم امين يارب العالمين

ورابط مدونتها من

هنا

مصعب صلاح

بسم الله الرحمن الرحيم

إن لله و إن اليه راجعون

توفى الى رحمة الله تعالى والد الاخ مصعب صلاح

ندعو الله ان يغفر له

ويجعل مثواه الجنة

آمين يا رب العالمين

وده رابط مدونته

هنا

ربنا معاكى يا دودو

زى ما اتعودنا هنا اننا ايد واحدة نشارك بعض فى فرحنا وفى حزننا

وزى ما عيشنا مع دودو فى فرحها

اكيد هنقف جنبها لحد ما ربنا يفرجها من عنده

وندعلها يارب يشفى احمد اخونا وحبيبها وخطيبها

يارب

هتخرج من قلب كل واحد او واحدة فينا

يارب

مفيش اجمل من الكلمة دى

يارب

من قلوبنا كلنا

ربنا يسلم

ياريت كلنا نكون معاها

هناك
ايد واحدة
مع
دودو

ادم المصرى ( مملكة الفن الجميل )

النهاردة وبكل اسف جاين بموضوع صعب علينا اوى اللى يعرف اخونا ادم المصرى واللى مش يعرفه

لازم كلنا نقف جنبه لانه قرر انه ينسحب من عالم التدوين

طب ليه كده ، اصعب شىء اننا نلاقى حد مننا يبعد عننا بالشكل ده

طبعا الموضوع مش محتاج كلام كتير

لكن كل اللى بنتمناه ان كل اللى يجى هنا يروحله ياخد بايده

اكيد هو لو حس باللى احنا بنحسه لامة حد يبعد عنا اكيد هيفكر ويرجع تانى يا رب
وبنتمنا كمان ان كل واحد يجىء هنا يقول لكل اخواته ان فى مدون عايز يبعد

اكيد ادم هيغير رايه لو بقينا كلنا ايد واحدة وده اسم بيتنا او مدونتنا اللى نفسنا يبقى اسم على مسمى

ادم المصرى

من هنا

دودو ( عاشقة الرومانسية )

النهاردة فرحى يا جدعان عايزين بوست كله جنان

اللى عنده شمعة يولعها واللى عنده دمعة يرجعها

النهاردة فرحى يا جدعان

اللى غايب يظهر ويبان

من غير حريقة ولا دخان كله كله يبقى تمام

النهاردة فرحى يا جدعان

باذن الله النهاردة الجمعة 31 \ 7

هيتم خطوبة قمر اسكندرية

ونبض القلب الصافى وحبيبة قلب اخوتها

دودو عاشقة الرومانسية

احلى زغروطة لاحلى قطوطة

لولى لللللللللللللللللللللللللللللللللللللولللللللللللللللللللللللللللى

ربنا يوفقك يا رب دايما ويحققلك كل اللى بتتمنيه

ويبارك فيكى انتى وحبيب قلبك احمد

يارب عن قريب جدا نعلن ميعاد الليلة الكبيرة يارب
ونشوف كمان ولادك منورنا هنا يارب

دي هدية ميمي وأحمد

ودي هدية بنجاواتي

ودي هدية
THE illusionist

مبروك يا دودو من :

ميمى واحمد

الناجح يرفع ايده

النهاردة جاين نهنى كل الناجحين الصاحين منهم والنايمين

ونقولهم كل سنة وانتم دايما ناجحين وبنجاحكم دايما مبوسطين

ومنورين وفرحانين وكل امانيكم تتحقق وكلامكم يتصدق

اللهم امين يا اجمل اخوات فى التدوين

نبدا باول ناجح

محمد كمال الشهير بكيمو صاحب مدونة ( صوت من مصر )

نادية صاحبة مدونة ( نادية ) وبنت خالة ميمى واحمد

mr \ zanaty صاحب مدونة ( الروقان مع كوباية شاى )

مونى الشريف صاحبة مدونة (عيش احلى ما فى اللحظة )

وسلام مربع للنادى الاهلى

*

*

وكمان رانيا على صاحبة مدونة

ليس فقيرا من يحب

الف الف مبروك

*

*

والدكتورة سول(همس الروح)

الحمدلله خَـلصت وخلصت

من اوراق التكليف ربنا يوفقها فى الباقى

يارب

وطبعا ان شاء الله احنا فى انتظار نتيجة الواد عادل

وباذن الله ناجح

وكمان سارة نبض الحياة اللى مش بتحب القطط

*******

وكمان اوعى حد ينسا ميعاد لقائنا المنتظر باذن الله

الموعد : يوم السبت 8/8/2009
المكان : حديقة الأزهر بارك ـ القاهرة
التوقيت : الساعة 10.30 صباحا
هيكون لقاء المدونين اللي هما إحنا

*

*

*

*

*

*

مع اجمل امنياتنا لكم بكل التوفيق

ميمى واحمد